Sampoorn Avtar Vani
Shabd 301
Bhakti Loki Aje Na Samze,
Rabb Nu Pana Bhakti Hain.
Guru roop Sadh Sangat Ji Pyar Se Bolna Dhan Nirankar Ji
* Sadh Sangat Aap Mahapursho ke darshan karke Satguru Babaji ne Badi Kirpa Aehsan kiya ki ek baar phirse apne aap ko jachane ka mauka diya hain hain.
Aapke Bhav sunkar Mukkamal Purn Bhakti ka aehsas ho raha tha aur khayal aaya ki
Sury ki baat karna ek baat hain aur surya ke tapish mehsus karna alag baat hain.
Waise hi Gyan ki baat karna ek baat hain aur Gyan ko jina hi vastavik Bhakti hain.
* Punjabi Mein Kahavat hain jiska arth hain ki doorse kayee cheeje humein nazar aati hain aur najadik ja kar dekhte hain toh koi aur hi vastu hoti hain.
* Iss Shabd mein Shehenshah ji ne bataya ki Humara iss Parmatma ke sath parichay ho gaya. Ki hum sharir mein hain sharir nahi. Tum Bund ho iss saagar se milne ke liye tumne aatur hona hain.
* Brahmrshi Vasudev Rai ji unki Tabiyat kharab hue, Unko Metro Hospital mein dekhne gaye toh waha unhone ek kavita likha aur padhayi. Uska Shirshak tha Aey Maut Meri Mehbuba.
Woh keh rahe the agar 84 lakh baar Maut na aati toh Manvi chola nahi milta toh uss ka shukrguzar hoo.
Unhone antim Pankti likkhi
Kaun Kehta Hain Ki Main Marr Jaunga,
Main Toh katra hoo Samandar Mein Mill Jaunga.
* Jab Aaj Soniya Ji Toronto se aaye Rishi ji ke parivar se baat kar rahe the toh dhyan aaya
Gyan ke Sath rachi hue jindagi, Turiya avastha ko jab gurusikh apnata hain Toh Uss se gurusikh ke liye harr koi apna lagta hain.
* Jab Musiem ban raha tha toh hum kuch puratan mahtmao ke sath baithe, toh pata chala ki kaise unhine khandharo ko mehal banaya.
Baba Butasingh ji Aur Unki Patni Shehenshah ji ke ghar mein rehte the
Jab woh satsang kar ke aaye toh Baba Butasingh ji ne sabko prashn pucha, Gyan Toh Sab ne liya. Parmatma sab taraf hain.
Fir Unhone pucha Nirankar ko Pyar karna hain toh kaise karoge?
Toh Baccho ne Flying kiss ki tarah unhone ishara kiya.
Fir kaha Khana kaise khilaoge
Toh Unhone Khana khilane ka ishara kiya
Toh Baba Butasingh ji ne kaha Bhav ke roop mein aapne Gyan ko thik samza.
Fir Unhone kaha Vyavharik Roop mein kaise pyar karoge?
To Baba Gurubachan ji Bal Avstha mein the woh uthe aur Baba Butasingh Ji ko gale laga liya
Aur Unhe Bhog laga diya
Nirankar ki Sewa karne ke liye sakar murtiyo ki sewa karni hogi.
* Huzur Babaji Ne ek baar farmaya
Guru Shabdo ko nahi Bhaav ko dekhta hain
Gurusikh bhi agar Bhav dekhna shuru kare toh usko bhi woh darja milta hain joh guru ko milta hain
Lekin Gurusikh uss darje ko Prapt nahi karta kyun ki woh Nirankar ko najdik nahi rakh pata.
* Mother Teresa ka quote hain
Do not judge or else you won't be able to love.
Bappa Re Director Woh keh reh the ki Main Vartman Guru ke upar film nahi bana sakta kyun ki
1. Yeh Kabhi kisi ko naa nahi bolte, Koi Guruisikh Garib dikhne wale ke agrah par bhi samay na hote hue bhi Bimar ko darshan dene pahuch jate hain.
2. Hum ne do saal mein dekha Babaji achanak Aankh Band kar lete hain.
Toh Bappa Re ne kaha He is not man he is god
Koi Babaji ka Bhakt inko karke simran kar raha hot yaad a hain. Babaji uss ko bacha rahe hote hain.
Babaji ne kahi baar kaha
Ki hum mein se Gyan ko kayee vyakti utna nahi samaz paye jitna woh vyakti samaz paya hain.
* Hum Sanagat Mein Kisi aur ko samzane ke liye nahi aate
Apne Gunaho ko nikalne aate hain.
Chhad Ke Sare Veham Bhullekhe,
Guru Rizana Bhakti Hain.
* Hum jaha rehte hain waha kayee baar apne hi koi log humein Nirankar se door karne ki koshish karte hain.
* Kayee Baar choti cheeje hoti hain, Hum samaz hi nahi pate ko hum kar rahe hote hain. Chote bacche ko kala tikka lagatr hain ki nazar na lag jaye.
Toh Dass ne unko samzaya ki Buri Nazar hoti nahi aur agar hogi bhi toh Bich mein Nirankar hain woh Buri nazar pahuchne nahi deta.
Babaji ne humein sare bandhan tod ke Nirankar se jod diya.
Ikk Nu Manana, Ikk Nu Takna,
Ikk Nu Pana Bhakti Hain.
* Hum toh aapas mein apni batein sanzi kar rahe hain.
Satguru ko woh priy hain joh satguru ke harr shabd ko mante hain.
Speakers List ban rahi thi ludhiyana se 8-10 naam aaye.
Toh Babaji ne kaha ki woh Sare bahut acche hain par sabko time nahi dekh sakte hain.
Babaji ne kaha Ek woh Mahatma Hain woh geetkar jisne likkha Rooh Gadd Gadd Ho gayee
Uss mahatma ne abhi tak nahi kaha ki mera naam geet ke liye lo
Toh Dass ko khayal aaya ki main kiss shreni mein aana chahta hoo
Ki Main naam doo aur aa jaye yaa Swayan satguru mera naam le.
Ek ko hi Man ke Ek ko hi sab mein dekhna yehi Bhakti hain.
Kisi aur ke liye thodi bhi jagah de di toh fir kam nahi banta.
Kisi Mahatma ne kaha
Sab ke kaam Satguru karta hain lekin humari shart na ho ki kam ho jaye toh hi iss ko mojudgi hain.
Kam ka naa hona bhi kayee baar kam ka hona hota hain.
* jab hum simran karte hain toh iss ke sath aehsas jagna hain.
Machli charo taraf paani ka aehsas karti hain.
Waise hi keval Tu Hi Hain humare jivan mein aur Issi ke sath judna hain.
Pehle mein bahut kriyakarm karta tha kyun tera Gyan nahi tha abb muze pata chala ki tuzse bada koi nahi.
Nirankar ka aehsas hunare gyan ko jinda rakhta hain.
Be ranga hain Be roop hain
Bani joh farmaya hain
Kahe Avtar Mein Hu Ba Hu Hi Rame Raam ko Paya hain
* Gyan ko jine ke liye inn sabhi Sant Sakar murti ki sewa karni hain.
* Jab dass Kanta Mataji ke Darshan kar raha tha toh Rishi Ji, Mataji ka paropkar dhyan aa raha tha
Gyan Milna Karm Sadhya Nahi
Kirpa Sadhya
Lekin Bhakti Karna Gurmat mein jina Gurusikh ko khud kamana padta hain.
* Nirankari Rajmataji ke sath thoda samay mila. Toh Mataji ne Purani yaade bataye
Baba Gurubachan Ji, Rajmataji, Harimohan Sharma ji Pehli Baar World tour kiya toh By Road gaye.
Jab gaadi Afghanistan pahuche toh waha gadi kharab hue, AC band hue, 50 degree ka temperature, Rajmataji ko Bukhar hua.
Toh Mahapursho ne Babaji ko kaha ki kahi Hotel ki mein jate hain toh Babaji ne kaha nahi yeh Mahtmao ki Khoon pasine ki sewa hain. Yeh hotel nahi jayenge.
Gadi mein hi so gaye.
Pani lene ke paise nahi the toh Kaha Chini gale mein dalne ko kaha.
Jab Bhookh lagi toh santo ne Mang ke Zoothi Roti khayee
Keval Mahapursho ki Maya nahi kharchni yeh bhaav tha
Aise Mission aage Badha.aise hi koi Rishi Mahrishi nahi bante.
* Satguru chahte hain waise hum jivan ji paye.
Sadh Sangat Ji Dhan Nirankar ji
No comments:
Post a Comment