Summary of Satguru Baba Ji's Blessings At KoperKhairane - Navi Mumbai On 20th March 2014

Sadh Sangat Ji Prem Se Kehna Dhan Nirankar Ji

1. Sadh Sangat Kareeb 2 mahine ke baad Firse Mumbai Mahanagar mein aane ka mauka mila hain.
Jab ki January ke aakhri hafte mein Maharshtra Ka Sant Samagam ka Bhavya Roop bana jaha aise hi Bhakti Bhav lekar Paropkar ke Jajbe se yukt hokar Yogdan diye Gaye.
Uske baad Pune, Kolhapur, Panjim, Karnataka, Andhra aur Maharashtra Ke Sthano pe jane ka Mauka mila fir Haryana Ka Samagam, Rajsthan ka Samagam aur fir Aaj aap sab ke darshan karke Prasannata hasil ho rahi hain.

2. Aap Sansar ko Manvta ke prati Majbuti de rahe hain.
Yehi Manvta kamjor hoti chali ja rahi hain.
Aaj ke Daur mein yehi Mulya Girte ja rahe hain.
Sabhya Insan Padhe Likkhe log Shehro mein rehne wale lekin Insan mein aise dardangi hain ki Manvta kalankit ho rahi hain.

3. Chittorgarh mein Rajsthan ka Samagam hua waha ek din pehle Bike Rally nikali gaye aur uss mein yehi Motto diya gaya ki hum kyun itne girte ja rahe hain, jaise ki humari koi answerbility nahi. Isiliye koi bhay nahi aur hum Girawat ki taraf ja rahe hain

Vishyache sukh gheta harr ghadi chinta
Punha nahi janm re aata

Isiliye insan Maa Beheno ki Ijjat ke sath Khilwad kar raha hain.
Parivar ke dhanche shithil ho rahe hain.

4. Insan kahi se toh shiksha prapt kare. Itihas se toh seekh prapt kare.

Holi ke Tyohar ke sath juda hua pehlu bhi hum jante hain.
Hirnakshyap kiss kadar Satya se mukh mode hue
Raja hone ka aehnkar aur usse  Vardan prapt ki na Main Subeh maru naa Raat Maru ityadi.

Usko Itna aehm ki Apne bacche pe bhi Julm dha raha hain.

Bhagwan Krishna ji ne bhi Mahabharat hona nahi chaha
Aur 5 gaon 5 bhaiyo ko dene ko kaha
Lekin Kauravo ne Sui ki nok ki itni bhi jameen dene se inkar.

Iss kadar Insan Aehnkar se aise marg ko chunta hain toh Sharmindagi hi haat aayegi.

5. Insan apne aap ko padha likkha manta hain, lekin insan ka Myar girta ja raha hain.
Kadd nicha hota ja raha hain.

6. Sant Tukaram ji, Sant Namdev Ji Kabir Ji aur Chittorgarh ka talluk Meerabai se hi tha.
Rajsthan Samagam ke baad Uss kille mein bhi jane ka mauka mila.
Uss mein bhi wohi itihas bataya gaya.

Meerabai ji Unhone bhi Satya ke prapti ke liye prerna di.

Lekin aaj Santo ke iss paigam ko harr koi utna preference nahi dete.

Varna Human Values ke naare lagane ki jarurat nahi thi
Lekin Insan Samaz hote hue bhi Pagalpan pramanit kar raha hain.

Isiliye Samaj mein aisa Poison jehn mein bass raha hain aur iss Zeher se khokhlapan aa raha hain.

Amrit ki Jagah vish basa hain
Aur jaise khud hi vish ban gaya ho.

Lekin joh Manvi Mulyo se yukt hain unn ke Lahu ke sath Ragg Ragg mein Manvta Prem basta hai

7. Santo Guru Peer Paigambaro ne Insan aur Dharti ke bachav ke liye yogdan diye.
Jaise outer space kuch dharti ke upar takrata hain.
Aise hi million years pehle koi steroid gira aur uska aisa asar hua jaise Kitne parmanu girr gaye honge
Uss se Dionosor khatm hi ho gaye.

Aise hi Kudrat ka aisa silsila bann sakta hain ki life hi na ho lekin uss se pehle hi shayad insan ne soch liya ho
Ki Insan hi Insan ka vajood mita raha hain.

Aisa sochna insan ki nasamzi hain.
Isiliye jitna jaldi uss aur se insan daman chorhega uss mein uss ka bhi laabh aur auro ka bhi laabh chupa hua hain.

8. Yeh sandesh sadiyo se bhinn bhinn bhashao mein diya ja raha hain.
Aaj bhi yehi Patth diya ki keval aakriti insano vali nahi
Keval ginti mein Mumbai, Bharat Vishwa ki aabadi, Ginti mein uss lihaj se aa jayenge.
Hum Bhalu, Tiger ke ginti mein toh aayenge nahi.
Lekin kya sahi mayno mein hum insan bann paye hain.
Kya Hum Insani Gunno se yukt ho pyae hain?

Manav ho toh Manav ke 
Gunno se yukt ho jaye.

9. Manvi astitwa Aatma ke karan hain
Jaise Aatma ka naatA Sharir se tut jata hain aur ussi Sharir se badbu aani shuru ho jaati hai aur bimari bhi failna shuru ho jaata hain.

Aise hi Insaniyat hi Insan se nikal gayee toh uss se bhi badbu hi aati hain.
Woh chalti firti laash hain,
Woh saari Manavjati ko kalankit karta hain

10. Sochne samzne ki taqat insan ko aur praniyo ke mukable savadhik di hain.
Lekin kya yeh keval Sansarik Duniyavi silsilo tak hi simit hain.
Iss Samaz ka Sadupyog kar le toh dono jahano ki baazi jiyega.
Varna Sikandar jab ruksat hua toh dono hath khali tha
Kya insan sikandar ka mukabla kar payega. 
Kitne Mulk uss ne jitein.
Lekin unke hisse mein kya aaya?
Duniyavi Uplabdhti ki baat hain toh Raja Janak bhi Shoshan nahi karte.
Bhakti bhaav se yukt the.

Taqat ka istemal julm karne mein nahi.
Business prafullit ho, Bade bade post mile koi Aitraj nahi
Lekin agar basic nikal gaya hath se jaise Mission ka bhi naara Kayee saal se diya hain

Kuch bhi bano mubarik hain
Par pehle insan bano.

11. Jor kiya so julm hain, kehta naav halal
Daftar lekha mangiye, tab hoyega kaun halal.

Iss duniya ke adalat mein vakeel Sach ko Zooth aur Zooth ko Sach sabit kar dega par waha aisa nahi chalega

Yaha insan halal nahi haram kar raha hain

Satya rupi aayene mein Surat se jyada Seerat ko sawar le.

Yeh Sandesh Chetavani ko halke se nahi lena

Iss chetavani ki bahut aehmiyat hain.

12.Abhi nahi sambhlenge toh insan kab sambhlega? Kya aapke pass guarantee hain ki kitna samay jioge.

Jiv Panyacha Budbuda re Bharosa yaacha nahi.

Yeh Shareer toh woh gagar hain ki kankar laga aur gagar tut gayee. Sab kuch beh jayega
Kuch Sambhal nahi payega.

Abb na Bhajas to Bhajas kabb Bhai
Aaye ant na Bhajya jaye.

Each Life is Fragile

Abb Pachtaye hot kya jab chidhiya chugh gayee khet.

Fir pachtane se kuch nahi hoga.
Isiilye Behosh nahi Bahosh ho

Apkar Nahi Upkar
Sanhar nahi Shringar kare.

Aise hi Yogdan dete chale jaye.

13. Satya toh Satya hain
Woh kaal ke sath nahi badlta.
Satyug mein bhi Satya ke visheshta thi Dwapar, Kaliyug Treta mein bhi yehi visheshta.

Jaise Suraj ki Visheshta Humesha rehti hain.

Europe mein Suraj jyada nahi dikhta toh depression rate waha jyada hain.

Gharo mein bhi jab Depression ho toh kehte hai ki keep your room brighter.

Toh dass joh baat keh raha tha
Jaise suraj ki aehmiyat hain
Waise hi satya ki aehmiyat hai.

Iss ko apne jivan mein dhale

14. Mumbai mein Maharshtra Sant Samagam ke baad Kabhi April, yaa October mein aana hota tha
Toh abb ki baar yeh chand din mile hain yeh Satya sandesh jann jann tak pahuchane ke liye

Sadh Sangat Ji Dhan Nirankar Ji